BR LA UNION – Kinumpirma ni Presidente Ferdinand Marcos Jr. a pirmaan na iti gakat a mangitantan iti Barangay ken Sangguniang Kabataan Elections.
Daytoy ket tapno matutukan ti gobyerno ken Commission on Elections iti kaunaan a parliamentary elections ti Bangsamoro Autonomous Region in Muslim Mindanao (BARMM) inton Oktubre.
Segun iti Presidente, kalkalpas laeng ti midterm elections, ket saan a nalaka para iti Comelec iti agsasaruno a tallo a dadackel nga eleksiyon iti uneg laeng ti ababa a panawen.
Kinunana a saan nga agbalin a conflict ti linteg iti desisyon ti Korte Suprema a saan a mabalin nga ibaba iti termino dagiti barangay officials, agsipudta manayunan pay ketdi iti panagtakem da, iti pannakaitantan ti eleksyon.
“So, we, with a view on the Supreme Court decision that we cannot shorten the term of the barangay officials, we are actually lengthening the term of the barangay officials. So that’s not in conflict. So I think the most sensible and the most common sense solution is to postpone,” dagdag pa ng Pangulo.
Nu kaspangarigan, maisayangkat ti BSKE polls inton November 2026 manipud iti orihinal a petsa a December 1, 2025.
