BR LA UNION – Inallokoy ti Department of Public Works and Highways (DPWH) dagiti local government units a dumatag idiay Korte Suprema dagiti kontra iti flood control projects.
Kasaruno daytoy ti nagbalin a waragawag ni Manila City Mayor Isko Moreno a ti pumping station nga inaramid ti DPWH ket saan a naipasidong iti konsultasyon iti local government.
Segun kenni DPWH Secretary Manuel Bonoan, dagiti proyekto da ket pinonduan ti national government ken nakalista daytoy iti General Appropriations Act.
Impaganetget na, a nu saan nga umno wenno maiyannatop dagiti proyekto ti DPWH ket mabalin a dumatag da idiay Korte Suprema.
Inlawlawag na a kitaen da nga umuna ti reklamo ni Moreno seknan iti pumping stations nga ibagbaga na a tar-tarimaanen laeng ti DPWH dagiti da-an a pumping stations.
