Nakaawat ti nasurok sangaribo a reklamo manipud iti publiko ti naiyuswat a “Sumbong sa Pangulo” website.
Segun kenni Palace Press Officer Undersecretary Claire Castro, manipud Agosto 11 agingga 13 ket napartuat ti aganay 1,148 reports, 823 feedbacks, ken 84,892 views iti website ti Ehekutibo.
Maipalagip nga idi aldaw ti Lunes ket inwaragawag ni Presidente Ferdinand Marcos Jr ti panagluklukat ti nasao a website kas past ti imbestigasyon ti gobierno kadagiti maanomalya a flood control projects ditoy intero a Pilipinas a nagresulta kadagiti nalalawa a panaglayos.
Maus-usar iti website a pangipatulodan kadagiti ladawan ken videos ti kasasaad dagiti flood control projects kadagiti lokalidad.
