Pinaregta ni Senador Alan Peter Cayetano iti Philippine Amusement and Gaming Corporation nga ikkan ti bileg dagiti local government units nga iparit iti online gambling kadagiti masakupanda no tarigagayan ti komunidad.
Inpaganetget ni Cayetano, mabalin a ma-opt out dagiti physical casinos ngem saan nga iti online gambling.
Uray maiparit daytoy kadagiti nadumaduma a siudad kas iti Taguig, agtaltalinaed latta nga accessible kadagiti dadduma a lugar kas iti pagadalan ken iti simbaan.
Kabayatanna, simmungbat ni PAGCOR Chairman Alejandro Tengco a madaman nga ad-adalen da iti posible a pananglimitar kadagiti “designated stations”, imbes a palubusan a direkta kadagiti cellphones.
