Insingasing ni Batangas 2nd District Representative Atty. Gerville “Jinky Bitrics” Luistro iti mandatory drug testing kadagiti amin nga opisina ti gobierno tapno mapagtalinaed iti integridad, accountability, ken panagtalek ti publiko.
Segun kenni Luistro, rumbeng nga agbalin a pagwadan dagiti opisyal ken imentenar iti nangato a lebel ti propesyonalismo agsipudta iti panagaramat ti ilegal a droga ket makadadael iti panagpanpanunot, panagdesisyon, ken kredebilidad ti gobierno.
Iti drug testing ket maysa a preventive ken restorative measure tapno maprotektaran iti interes ti publiko ken tulungan dagiti empleyado nga addaan problema ti substance abuse.
Impasigurado ti manmanday-linteg a maraem iti constitutional rights, dignidad, ken patas a panangisayangkat babaen ti nalawag a guidelines para iti transparency.###
