Nakailista ti 100% a negatibo a resulta iti Lokal a Gobierno ti Luna, La Union iti naisayangkat a tinawen a mandatory drug testing idi Hunyo 25, 2026 kas paset iti panagrambak ti International Day Against Drug Abuse and Illicit Trafficking.
Karaman iti aktibidad dagiti 310 nga opisial ken empleyado kasta met dagiti personnel manipud ti Philippine National Police (PNP), Philippine Coast Guard (PCG), Bureau of Fire Protection (BFP), ken Maritime Police.
Ti tinawen a mandatory drug testing ket paset iti agtultuloy a panagregget nga itandudo iti natalged, nasalun-at, ken produktibo a pagtrabahuan bayat a pappapigsaen iti panagtalek iti publiko kagiti institusion ti gobierno.
Mangipakita met daytoy ti agtultuloy a panangsurot iti nangato nga alagaden ti propesionalismo, intregridad, ken responsable a panagserbi iti publiko karaman iti panangitandudo ti Sustainable Development Goal 16 (Peace, Justice and Strong Institutions).
