BR LA UNION – Nabiktima dagiti manna-nakaw ni Commission on Elections (Comelec) Chairman George Erwin Garcia idi Martes.
Daytoy ket kalpasan nga intaray ti maysa a grupo dagiti mannanakaw ti bag na idiay Pasay City.
Segun kadagiti awtoridad, maysa kadagiti suspek ket naaresto ken nakabalud itan idiay Pasay City Police.
Inaklon ti suspek a napag-biddutan da a Chinese ni Garcia isunga nagbalin a target ti krimen.
Segun kenni Garcia, saan a mamati a napagbiddutan da isuna a turista ken chinese.
Inlawlawag na a naggapo daytoy idiay Senado kalpasanna, nag-derecho da ti kadwa na iti maysa a panganan.
Narekober dagiti pulis iti bag ni Garcia babaen ti backtracking ti CCTV footage. Naaresto iti maysa a babai a suspek idiay Bacoor, Cavite, ken isuna ti matudtudo a lider ti grupo. Agtultuloy iti panangsapol dagiti otoridad dagiti innem a kakadwa ti suspek.
Segun iti Comelec Chief, kaadwan kadagiti arwatenna ket naisubli ngem saan dan a nabawi iti kuwarta a linaun ti bag.
Nagpanawagan daytoy ti mas nair-irut a seguridad ken nainget nga imbestigasyon iti nasao nga insidente tapno maprotektaran iti publiko kontra kadagiti kriminal a grupo.
