BR LA UNION – Ires-respeto ti Palasyo Malacañang iti independensiya ti Independent Commission for Infrastructure (ICI) kasaruno iti anunsiyo ni Baguio City Mayor Benjamin Magalong a naglosolos kas special adviser ti komisyon nga agim-imbestigar ti anomaliya iti infrastructure projects iti tengnga ti posible a conflict of interest.
Iti maysa a waragawag ita nga aldaw ti Sabado, Setyembre 27, imbaga ni Presidential Communications Office (PCO) Acting Secretary Dave Gomez a sayang iti panaglosolos ti mayor, ngem ti kiddaw kunana dagiti umili a Pilipino ti nagpannuray, a saan ketdi nga iti siasinuman.
Inlanad pay ti opisyal a ti ICI, a buklen dagiti nalatak a propesyunal ken saan a matawaran nga integridad, ket rinugyan da a dagus ti trabaho da iti umuna nga aldaw nga awan ti sinasayang nga oras.
Immunan nga inlawlawag ni Mayor Magalong nga awan ti conflict of interest iti trabaho na kas maysa a local official ken special adviser ti ICI.
Kinuna na a saan a nalaka iti nagbalin a desisyon na, nupay mamati a kasapolan daytoy.
Laksid ti panaglosolos na iti komisyon, saan nga agbaliw ti commitment na para iti kinapudno ken hustisiya ken inallokoy na ti publiko nga ituloy ti laban na kontra korapsiyon.
