LA UNION – Balligi a naisayangkat iti Filipino Brand of Service Excellence Seminar ditoy syudad ti San Fernando a dinar-ayan dagiti nadumaduma a local tourism officers ti La Union.
Panggep ti aktibidad a papigsaen iti kalidad ti serbisyo ken mangited ti umdas a pagaammo.
Nangipaay ti impormasion ni Ms. Lory Jane Rosales manipud Department of Tourism maipanggep ti 7Ms wenno Makadiyos, Makatao, Makabansa, Makakalikasan, Masiyahin, May Bayanihan, ken May Pagasa, kasta met iti demonstasion ti iconic Mabuhay Gesture para kadagiti Tour Guides kas panangsangaili kadagiti turista.
Naisayangkat pay iti quiz bee ken roleplays tapno mapasayaat iti learning experience, mapapigsa iti panakipamaysa, ken maipaganetget iti kinapateg ti panagtitinnulong.
