BR LA UNION – Arestado iti maysa a lalaki iti insayangkat nga anti-illegal drug operation dagiti otoridad idi kalman, Agosto 25, idiay Barangay San Francisco, City of San Fernando, La Union.
Maibasar iti inisyal nga imbestigasyon, ti suspek ket addaan iti umno nga edad ken residente ti nasao a lugar.
Nakumpiskar kenkuana iti 12 a gramo ti maipagarop a shabu nga addaan ti Standard Drug Price (SDP) nga ₱81,600 ken nadumaduma a non-drug evidence.
Naipasidong iti kustodiya ti City of San Fernando Police Station iti suspek ken sumangsango iti kaso a panaglabsing ti Republic Act No. 9165 wenno Comprehensive Dangerous Drugs Act of 2002.
