BR LA UNION – Nangiyisyu ti Commission on Elections (Comelec) ti show cause order para kenni Senator Francis “Chiz” Escudero.
Daytoy ket tapno ipalawag iti maipagarop a panangawat na ti aganay P30-M a campaign donation manipud iti gayyem na a kontratista a ni Lawrence Lubiano, idi 2022 elections.
Segun kenni Comelec Chairman George Erwin Garcia, pinaway-wayan da ti 10 nga aldaw tapno makapagsumite ti palawag ti nasao a senador.
Namnamaen ni Garcia nga atendaran ni Sen. Escudero wenno mangipatulod ti abogado a mangibagi kenkuana iti nakatuding a panagdengngeg inton October 13, 2025.
Maipalagip nga inaklon ni Escudero a gayyem ken campaign donor na ti nasao a kontratista a nakagun-od iti flood control projects ti gobyerno.
