BR LA UNION – Saan a nakaragsakan ni Russia President Vladimir Putin iti plano ti US nga agsuplay ti Tomahawk missiles iti Ukraine.
Kinuna na a ti panangipaay ti US ti missiles idiay Ukraine ket mangdadael iti relasyon ti US ken Russia.
Imbaga na a mangpakaru laeng daytoy ti riribok iti baetan ti Russia ken Ukraine.
Uray suplayan ti US ti missile iti Ukraine ket imbaga ni Putin a nakasagana iti air-defense ti Russia a manglapped ken pagsuweken ti nasao a missile.
Maipalagip nga immunan nga imbaga ni US Vice President JD Vance a suplayan da ti Tomahawk missile iti Ukraine gapu iti awan sarday a panagatake ti Russia.
