BR LA UNION – Nasurok a gasut dagiti timpuar a sinkholes idiay northern Cebu, partikular iti ili ti San Remigio.
Imballaag ni Mayor Mariano Martinez, nga adu pay iti posible a nakadulin wenno saan pay a nakita a sinkhole underground kasaruno ti napigsa a 6.9 magnitude a gingined idiay Cebu idi rabii ti Setyenbre 30, 2025 a nakatayan ti 68 a tattao.
Pinakdaaran metten ti Philippine Institute of Volcanology and Seismology (PHIVOLCS) dagiti lokal a gobiyerno seknan dagiti umad-adu a madis-diskubre a sinkhole kalpasan ti nagsasaruno pay nga aftershocks.
Kaadwan a sinkhole iti nagduduma a rukod ket nakita idiay ili ti San Remigio.
Kinumpirma ti Mines and Geosciences Bureau (MGB) idiay Central Visayas confirmed a ti ili ti San Remigio ken dadduma pay a naapektaran nga ili a kas ti Bogo a sentro ti 6.9 quake, Tabogon, Daanbantayan, ken Medellin, ket naiyisyuan ti Subsidence Threat Advisory kasaruno ti panagruar dagitif sinkholes.
Nakailanad iti pakdaaar ti MGB-7 a dagiti nasao a sinkholes partikular dagiti gapwanan ti cover collapse, ket mangigubway ti dakkel a peligro iti biag, iti sanikua, ken imprastruktura ket kasapolan nga ideklara dagitoy a high subsidence hazard zones.
