Pormalen nga agikkat ni Senate President Pro Tempore Panfilo Lacson kas Senate Blue Ribbon Committee Chairman a mangtaltalantan kadagiti maanomalya a flood control projects ti pagilian.
Inlawlawag ni Lacson nga iti desisyon na ket nakabasar kadagiti mangmangeg na a komento manipud kadagiti kakaduana iti senado ken ti panagdudua iti panangidaulo na iti komite.
Agserbi isuna kas maibasar iti kalikagum dagiti kakaduana a senador.
Innayon na pay nga ado dagiti nangipeksa ti panakadismaya no kasano na nga idauluan iti komite, isu nga daytoyen iti oras tapno agikkat ken ipaima kadagiti dadduma a miembro ti senado nga iti panagkitada ket addaan kabaelan nga iggaman a naur-urnos dagiti panagdingeg.
Awan ti aniaman nga kritisismo manipud kadagiti netizens ken dagiti partisan sectors iti mabalin a makaistorbo wenno makaipit kenkuana nga aramiden iti trabaho na kas chairperson ti komite, ngem no dagiti bukod nan a kakadua a senador iti nagrugi nga agsao maipanggep iti panangmanehar na iti komite ket nasaysayaat laengen nga agikkat isuna.
Kabayatanna, iti laksid dagiti nagbalin a waragawag, tinakderan ni Lacson a saan nga aggibos iti trabahona a labanan iti panagkunniber ken korapsion manipud iti bulok a sistema ken panagabuso iti pondo dagiti umili.###
