Dagos a naarestar dagiti napaawid a 64 South Koreans nga naidetine idiay Cambodia kalpasan a makasubli ti pagilian gapo iti maipagarop a panakiraman da kadagiti cyberscam operations.
Nangipatulod ti South Korea ti team idiay Cambodia idi Mierkules tapno talantanen dagiti kaso dagiti fake jobs ken scam centers a karaman ti panangkidnap kadagiti dose-dosena a kailian da.
Segun kenni Park Sung-joo, mangidadaulo ti National Office of Investigation, dagiti indibidual ket sumangsango dagiti kaso nga voice phishing, romance scams ken ti maaw-awagan a “no-show” fraud schemes.
Maipasidong pay ti drug testing dagiti South Koreans a suspek gapo iti panakairaman da pay ti panagusar ti iligal a droga.
Imbasar met ni National Security Adviser Wi Sung-lac, a dagiti nasao nga indibidual ket “voluntary ken involuntary participants” dagiti scam operations.
Agyaman met ni Vice Foreign Minister Kim Jina kadagiti otoridad ti Cambodia gapuo iti agtultuloy a panagngikat ti kriminalidad ken kooperasion ti dua a pagilian.
Segun ti Seoul, agarop 1,000 a South Koreans iti mapatta-patta a karaman ti pakabuklan a 200,000 nga indibidual nga agtrabtrabaho kadagiti scam operatioss ti Cambodia.
Ti multi-billion dollar a maipairit nga industriya ket limmobo kadagiti napalabas a tawen, agarop ribo a tattao ti agar-aramid ti online scams.
Dagiti dadduma ket napwersa babaen ti naranggas a pammutbuteng tapno mangisayangkat ti “pig butchering” scams — maysa a cryptocurrency investment schemes a mangal-ala ti talek dagiti tattao sakbay a takawan dagiti biktima.###
