BR LA UNION – Dua a tattao iti kumpirmado a natay kalpasan a natinnag iti runway ti maysa a Boeing 747 cargo plane a idiay Hong Kong airport.
Maibasar iti report, naikaglis ti nasao a cargo plane iti runway idiay Hong Kong International Airport, agingga a natinnag iti paset ti kadanuman.
Inlawlawag dagiti otoridad a dagiti natay ket saan a pasahero ti nasao a cargo plane, ngem ketdi manipud iti maysa a petrol car a natinnag met laeng iti runway kagiddan ti nasao nga aircraft.
Agtultuloy iti imbestigasyon dagiti otoridad tapno duktalen ti nakaigapwan ti insidente .
