Opisyalen a kummiddaw iti pammakawan ni Hong Kong Chief Executive John Lee mainaig iti nakaam-ames nga uram idiay Wang Fuk Court residential complex, Tai Po, makatawen kalpasan iti insidente.
Babaen iti press conference ket inruar ni Lee ti report mainaig iti pagsungbatan dagiti uppat a departamento iti gobierno a nakaawat kadagiti reklamo mainaig iti kinatalged iti pasdek sakbay iti uram.
Inwaragawag na pay dagiti reporma tapno papigsaen iti building safety regulations ken ipasiguro iti regular inspection kadagitoy.
Maipalagip nga aganay 168 a tattao dagiti pimmusay gapo iti apoy nga nanguram ti 31-a-kadsaaran a residential complex. Napartak a nagwaras iti apoy gapo iti dust netting ken scaffolding iti pasdek a maipaspasidong iti renovation idi dayta a kanito.
Kabayatanna, inwaragawag pay ni Lee iti panagibbat iti puesto ni Hong Kong Housing Secretary Winnie Ho.
Nangbukel metten iti gobierno ti independent investigation team tapno dakamaten dagiti opisyales a nasken nga agsungbat kasta met dagiti maiyannatop nga addang pang-disiplina kotra kadakuada.
Maibilbilang iti insidente kas kakaroan nga uram idiay Hong Kong manipud pay idi tawen 1948. Niribu pay a residente dagiti napukawan iti pagtaengan kalpasan a maideklara a saanen a natalged a pagnaedan dagiti apartments.
