BR LA UNION – Nakailista ti structural fire ti Benguet iti umuna nga aldaw ti Disyembre 2025.
Dua a babbalay ti dimmapo iti uram a timpuar ti oras ala 1:45 ti malem idi kalman, December 1, 2025 idiay Piripin Bato, Dreamland Subdivision, Barangay Pico, La Trinidad, Benguet kas maibasar iti report ti Baguio City Public Information Office.
Nagtinnulong iti Engine 9 ti Quirino Hill Fire Station ken Engine 8 ti Main Baguio City Fire Station a nangsebseb ti apoy.
Naideklara a fire out agarop alas 2:46 ti malem.
Awan ti naipadamag a nasugatan iti insidente malaksid dagiti dimmapo a balay.
Agtultuloy ti imbestigasyon dagiti otoridad tapno amwen ti makaigapo ti uram ken manu ti danyos ti insidente.
