BR LA UNION – Arestado ti Top 4 provincial most wanted person idiay ili ti Rosario, La Union a sumangsango ti kaso nga statutory rape.
Babaen ti insayangkat nga operasyon ti Rosario Municipal Police Station (MPS) a nagserbi kas lead unit, kabinnulig ti La Union Provincial Intelligence Unit (LUPIU), natiliw ti suspek a lalaki, 24-anyos, awanan asawa, maysa a laborer, ken residente ti nasao nga ili.
Naaresto babaen ti bileg ti warrant of arrest, addaan ti Criminal Case No. A-2973, ken awan ti nairekomenda a piyansa na.
Iti agdama, addan iti kustodiya ti Rosario MPS iti akusado.
