BR LA UNION – Indeklara ti Chinese Embassy ditoy Pilipinas, a ‘persona non grata’ dagiti lokal nga opisyal idiay Kalayaan Island, probinsiya ti Palawan.
Nangiruar ti opisyal a waragawag iti Chinese Embassy maipapan iti inaramid a resolusyon ti Kalayaan Municipal Council.
Maipalagip nga iti nasao a resolusyon, indeklara ti konseho munisipal ti Kalayaan ni Chinese Ambassador Jing Quan a persona non grata, kayatna sa-wen, a saan a “welcome” idiay Kalayaan Island Group (KIG).
Imbaga met ita ti embahada ti China, a maibasar iti prinsipyo ti reciprocity, dagiti indibidwal a nangaramid ken nangpabor iti nasao a resolusyon ket saan metten a welcome a sumrek idiay China, Hong Kong ken Macao.
Kabilang dagiti ninaganan ti embahada a ‘persona non grata’ ket isuda:
– Mayor Beltzasar S. Alindogan,
– Vice Mayor Maurice Phillip Alexis S. Albayda,
– Councilor Nonelon B. Balbontin,
– Councilor Nonie C. Gapuz,
– Councilor Roberto M. Asiado,
– Councilor Hubert B. Llavan,
– Councilor Francis P. Polizon,
– Councilor Marilou S. Vales,
– Councilor Monico A. Abogado,
– Councilor Eugenio B. Bito-onon,
– Hermoso A. Ornopia,
– Tracylie Shierjun R. Malabayabas,
– Arzel E. Belidan,
– Vicencio R. Milan,
– Allan D. Dellosa, at
– Cristina J. Lagrosa
Iti waragawag ket paset iti agtultuloy a tensyon iti baetan ti Pilipinas ken China seknan idiay West Philippine Sea, partikular idiay Kalayaan Island Group a nabayagen a mapagsu-supyatan.
