Dinutukan ni Presidente Ferdinand “Bongbong” Marcos Junior ni Assistant Director Angelito Magno kas baro a Director ti National Bureau of Investigation (NBI) kasaruno ti panagikkat ni former Dir. Jaime Santiago.
Ni Magno ket sigud a mangidadaulo ti Information and Communications Technology Service (ICTS) ti NBI a responsable kadagiti teknolohikal nga aspeto ti operasion ti ahensia.
Nangrugi isuna kas line agent ti NBI isu ta ammo na dagiti karit iti field operations.
Nagserbi met kas Deputy Director for Investigative Services idi Agosto 2024, pakaraimanan ti panangbirok kenni Bamban Mayor Alice Guo ken dagiti dadduma pay nga high-profile investigations.
Pinasingkedan ni Santiago idi Lunes a naawaten ti Presidente iti irrevocable resignation wenno iti saanen nga maibabawi a panagikkat.
Segun kenkuana, manamnama a mairuar iti opisial a pammilin kadagiti sumarsaruno nga aldaw, ken impaganetget a maaddaanen ti baro a liderato ti ahensia.
Nagyaman ni Santiago kadagiti empleyado ti NBI gapo ti suporta ken dedikasion iti panawen ti panagtakem na.
Mangnamnama isuna nga itultuloy da iti panagbalin da a sipupudno nga agserserbi iti pagilian.
Ni Santiago, maysa a retired judge, ket nadutokan kas NBI Director idi Hunyo 2024. Napalabas ti dua a bulan ket nangipasa isuna ti resignation.
Iti waragawag maysa a waragawag ken kenunana a “Detractors and those who have a sinister interest in my position incessantly make moves to blemish my reputation.”
Pinili na iti bumaba iti puesto tapno saanen a kumaro iti kontrobersia.
Ti NBI ket kangrunaan nga ahensia ti gobierno a mangan-anop kadagiti kaso ti kriminalidad, panagkunniber, cybercrime, ken dadduma pay a sensitibo nga imbestigasion.
Iti kangitingitan dagiti panawagan manipud iti sektor ti negosyo ken trabaho a papigsaen iti kampanya kontra korapsion, napateg iti akem ti NBI iti panangpasungbat kadagiti korap nga opisial ken panangsalaknib iti interest dagiti umili.###
