Pormalen nga inawat ni Presidente Ferdinand R. Marcos Jr. iti pagrebbengan kas baro a mangidaulo ti Association of Southeast Asian Nations (ASEAN) kalpasan nga inpasa ni Malaysian Prime Minister Anwar Ibrahim iti ASEAN Chairship gavel kenkuana kabayatan ti naisayangkat a closing ceremony ti 47th ASEAN Summit and Related Summits.
Naisayangkat iti seremonya idiay Bangkok, Thailand, nga dinar-ayan dagiti lider ti ASEAN tapno talantanen dagiti napapateg nga isyu ti rehion, pakairamanan iti seguridad, ekonomiya, ken kooperasion.
Ti ababa a panagbetla ni Presidente Marcos, nangipeksa isuna ti panagyaman gapo iti panagtalek a naipaay iti Pilipinas ken impasigurado ti dedikasion iti panangilungalong ti kinakappia, panagdur-as, ken panagkaykaysa ti Southeast Asia.
Tinawen a pagrebbengan iti Chairship ti ASEAN ken ak-akemen ti maysa a pagilian nga addaan ti tarigagay nga idauluan dagiti panagtaripnong, itandudo dagiti adbokasiya ti organisasion, ken papigsaen iti koordinasion dagiti miembro a pagilian.
Naudi a nangiggem ti ASEAN Chairship iti Pilipinas idi 2017 ken ti nagbalin a sentro dagiti saritaan iti inclusive growth, maritime security, ken regional connectivity.###
