Panggep dagiti prison service leaders manipud kadagiti pagilian a miembro ti Association of Southeast Asian Nations (ASEAN) a madakamat ti posible nga ASEAN-wide prisoner swap tapno mapalubosan dagiti convicted individual nga adda iti sabali a pagilian a maiserbi dagiti sentensya da ti bukod da a pagilian.
Segun kenni Bureau of Corrections (BuCor) Director General Gregorio Catapang Jr., ti katulagan ket addaan iti napateg a benepisyo kas kuma nu adda nakakulong a Pilipino iti ASEAN kas iti Singapore ket mabalin a maiyakar daitoy ditoy Pilipinas tapno ditoy nan a pagserbian ti dusa na, ken vice-versa.
Kinuna pay ti opisyal a kayat da a makabuo ti camaraderie iti umiso a panangimando ti penal ken ti correctional system.
Inaramid ni Catapang ti waragawag iti kangitingitan ti pannakarambak ti maikadua nga ASEAN Regional Correctional Conference 2025 nu sadino ket ti Pilipinas ti agdama nga host.
Agpaot daitoy agingga Pebrero 17 sadiay Puerto Princesa City, Palawan ken dinar-ayan daitoy nga event dagiti nagduduma nga prison service leaders manipud iti ASEAN countries.
