Nainget a pinaglibakan ni sigud nga Executive Secretary Lucas Bersamin iti aniaman a pannakaammo wenno pannakipaset iti kontrobersia mainaig kadagiti maipagarup a P52 billion budget insertions.
Impaganetget na nga awan ti ammona gapu ta saan a makibib-bibiang iti Office of the Executive Secretary kadagiti insertions wenno budget ti dadduma nga ahensia ken saan a daytoy iti trabahoda.
Nagkedked met ni Bersamin a mangsungbat iti saludsod no isu ket maar-aranat laeng a kas “scapegoat.”
Kinarit na dagiti nangiraman ti nagan na a mangipila ti kaso no ta iggem da a natibker nga ebidensia maibusor kenkuana.
Impeksana ti kinasaga a mangsango ken mangsungbat kadagiti pammabasol ken dalusan iti naganna.
Awan met ti panggep ni Bersamin a sumango iti imbestigasion gapu ta dina kayat nga adda pay ti madadael ti biag na a sabali a tao.
Segun kenni Bersamin, awan ti kontrolna kadagiti pammabalaw kenkuana iti social media, isu a nasaysayaat nga idatag ken paneknekan dagiti pammabasol iti korte, no adda iti maiparang a napigsa nga ebidensia.
