BR LA UNION – Inakusaran ni Vice President Sara Duterte ni Presidente Ferdinand Marcos Jr nga isuna ti adda iti likod ti panangdadael kenkuana ken iti pamilya na.
Kinuna na nga ar-aramiden ti administrasyon Marcos iti amin tapno mapukaw ti lapped para iti 2028 elecitons.
Impaganetget pay ti bise presidente a maipagarop nga imbaga ti maysa a cabagyan ti Marcos a tumaray daytoy iti kina-presidente into 2028.
Mamati ti bise presidente a timpuar ti impeachment kontra kenkuana gaputi panag-pulitika.
Iti nasao pay laeng a press conference idiay Davao City idi Biyernes, Hunyo 7, saan a nalapdan ti Bise Presidente nga awagan manen nga stupid ken nakapsot ti administrasyon.
Immanges pay ti nauneg iti Bise Presidente idi salodsoden da maipapan iti karit ti palasyo kenkuana nga agpalawag kadagiti umili nu official visit iti biyahe na iti sabali a pagilian.
Inlawlawag ti Bise presidente a saan nga official business dagiti biyahe na iti sabali a pagilian.
Kinuna na a nu inusar ti kuwarta ti gobyerno para iti maysa nga official business, dayta ket kasapolan nga ag-report kadagiti ginastos na, ngem nu personal trip ken awan ti inusar a kuwarta ti gobyerno ket saan kunana a kasapolan ti agsumite ti report.
