Naarestar dagiti walo nga indibidual idiay Hong Kong iti agtultuloy nga imbestigasion iti dakkel nga uram a napasamak idiay Wang Fuk Court, maysa nga housing complex.
Karaman kadagiti naarestar dagiti dua a directors ti consultancy firm a mangipapaay ti notice of maintenance works iti lugar, kasta met dagiti dua a project managers a mangimatmaton iti trabaho ken tallo nga scaffolding subcontractors ken maysa a mediator.
Pagsubsublien dagiti otoridad dagiti tallo nga indibidual (dua a company directors kan maysa a consultant) nga immunan a naarestar para ti kanayunan nga imbestigasion.
Iti agdama, dumanon ti 128 a tattao iti nakumpirma a pimmusay bayat a nasurok 200 dagiti mapukpukaw.
Tunggal pamilia dagiti natayan ket makaawat ti $25,700 tunggal maysa wenno katupag ti nasurok nga P1.5 milion bayat a dagiti naapektaran a balay ket makaawat ti dandani P400,000.
Agtultuloy met a taktakuaten dagiti otoridad idiay Hong Kong no kasano a nangrugi iti uram a nasurok dua nga aldaw iti napalabas sakbay a nasebsebam.#
