BR LA UNION – Dua a nagsina nga uram ti napasamak iti residential area idiay Barangay Lower Bicutan ken Barangay Bagumbayan idiay Taguig City idi Miyerkules, Mayo 6, 2026.
Maibasar iti report, tallo a tattao ti natay iti timpuar nga uram idiay Barangay Lower Bicutan idi malem kalman.
Kabilang dagiti biktima iti agssawa a senior citizen nga agtawen ti 67 ken 65 ken 42-anyos a lalaki.
Dagiti pito a nasugatan a nagsagaba ti minor burns ket dagus na naiturong iti ospital tapno maagasan.
Maibasar iti datos ti Bureau of Fire Protection (BFP), nangrugi ti uram pasado alas-4 ti malem ken naideklara a fire out agarop alas-6 idi rabii.
Kabayatanna, maysa pay nga uram ti timpuar iti residential area idiay Barangay Bagumbayan.
Nangrugi daytoy pasado alas-9:30 idi rabii idiay Paso Hills area, ken iti oras alas-10:11 idi rabii, naipangato iti maikatlo nga alarma ti uram, indikasyon ti mas nalawlawa nga insidente nga agkasapolan ti kanayunan a pwersa dagiti bumbero.
Agtultuloy iti imbestigasyon dagiti otoridad tapno maamwan ti nakaigapwan iti dua nga insidente ti uram.
