BR LA UNION – Nainget ti panagsagana ti Municipal Disaster Risk Reduction and Management Office (MDRRMO) San Juan tapno masigurado ti kinatalged ken urnos ti publiko ken ti mismo a lugar.
Segun iti MDRRMO, nangisayangkat da ti preliminary meeting tapno pagtutungtungan dagiti addang para iti manamnama a panagsangpet dagiti turista.
Dimmar-ay iti nadakamat a meeting ti Philippine Coast Guard, Bureau of Fire Protection, ken Philippine National Police, kasta met dagiti dadduma pay nga ahensia ken volunteer groups.
Impaganetget ni Municipal Disaster Risk Reduction Management Officer Gino Mabalot ti kinapateg ti pannakitinnulong ti publiko iti pannakataginayon ti urnos ken kinatalged.
Kabayatanna, gaputi manamnama a high heat index, nakasagana ti MDRRMO a mangideploy kadagiti response team babaen ti tulong ti Provincial Health Office, volunteers, ken rescue units.
Nakasagana ti MDRRMO 24/7 operations bayat a maipatungpal ti special deployment manipud Abril 1 agingga 6 a pangsuporta kadagiti turista ken umili.
