Imbinglay ni F/INSP. Keith Wilmer Bolinget, Acting Municipal Fire Marshal nti BFP-Tuba, iti panagrespondeda iti insidente ti maipagarup a pannakatnag ni sigud a DPWH Undersecretary Maria Catalina Cabral iti paset ti Kennon Road idiay Tuba, Benguet.
Iti pannakiuman ti Bombo Radyo Baguio iti BFP official, nasarakan ni Cabral iti Bued River, nasurok 20 a metro iti kalsada kalpasan nga inreport ti driverna nga imbati na daytoy nga agmaymaysa sakbay a napukaw.
Dagos a nagresponde dagiti personnel ti BFP-Tuba kadua iti pulisya ken dadduma pay nga emergency units tapno mangisayangkat ti retrieval operation.
Pinasingkedan dagiti otoridad a naideklara a pimmusayen ni Cabral itay parbangon, Disyembre 19, 2025.
