Nagpalagip ti Movie and Television Review and Classification Board (MTRCB) kadagiti pampasahero a lugan seknan ti pelikula nga ipabpabuya da iti biahe.
Segun iti MTRCB, rumbeng a rated G (General Patronage) ken PG (Parental Guidance) laeng dagiti maipabuya iti uneg ti public utility vehicles.
Karaman pay iti panawagan ket amin nga audio-visual materials a naka-display wenno maipabpabuya, kangrunaan kadagiti bus.
Impaganetget ni MTRCB chairperson ken Chief Executive Officer Lala Sotto a panggep daitoy ti kaadda ti natalged ken family-friendly a panagbiahe, nangruna para kadagiti ubbing.
