BR LA UNION – Nagsumite metten ti courtesy resignation na kenni President Ferdinand Marcos Jr. ni Movie and Television Review and Classification Board Chair and CEO Diorella Maria “Lala” Sotto-Antonio.
Daytoy ket panagtulnog iti direktiba ti Presidente para iti revamp ti gabinete.
Iti surat nga insumite ni Sotto , kinunana a maysa a dackel a pakaidayawan iti panagserbi na iti administrasyon ken idaulwan ti MTRCB.
Impaganetget na nga iti sidong ti panangidaulo na, siniguro na a naipatugpal ti ahensya iti mandato daytoy a siguradwen a naurnos iti content a buyaen ti publiko.
Nagyaman daytoy iti oportunidad a naipaay kenkuana tapno agbalin a paset ti nation-building.
Ni Sotto ket nagserbi kas Quezon City councilor ken simrek iti showbiz sakbay a nadutukan kas MTRCB Chief idi July 2022, sumagmamano nga aldaw sakbay a natugaw iti pwesto ni PBBM.
Tarigagay ti Presidente nga i recalibrate ti amin a Cabinet secretaries a paset ti administrasyon tapno agbalin nga epektibo iti panangipatungpal dagiti programa ti gobyerno.
