Pinaglibakan ti kampo ni sigud a Department of Public Works and Highways (DPWH) engineer Brice Hernandez iti naipadamag a recantation wenno panangibabawi ti testimonya maipapan ti maanomalya a flood control projects.
Segun ti abogado na a ni Atty. Ernest Levanza, saan a pudno iti maipadpadamag a racantation ken lawagen da ditoy iti sumaruno a panagdingeg ti Senate Blue Ribbon Committee inton Enero 19.
Nagpakdaar ni Sen. Panfilo Lacson nga iti sinoman a mangibabawi ti testimonya ket mabalin nga agsungbat iti perjury gapo kadagiti nasapataan a waragawag.
Inlawlawag met ti Department of Justice (DOJ) nga awan pay ti naaw-awatda nga affidavit manipud kenni sigud a DPWH District Engineer Henry Alcantara nga ibabawi iti testimonyana.
Segun ti ahensia, awan ti nakalanad kadagiti counter-affidavits nga ibabawina dagiti aniaman a waragawag, nupay siguden a pinaglibakan na iti pannakairaman kadagiti ghost flood control projects.###
