LA UNION – Naarestar iti maysa a lalaki a naakusaran ti Two Counts of Rape ken Acts of Lasciviousness idiay Barangay Dinanum, San Juan, La Union iti oras nga alas-4:30 ti malem idi Enero 20, 2026.
Nabigbig iti suspek nga agtawen ti 29, naasawaan, ken residente ti kapada a lugar.
Kinemmeg isuna ti San Juan Municipal Station ken dagiti personnel ti LUPIU, LUPIDMU, ken RID1 babaen iti bileg ti Warrant of Arrest para ti 2 Counts of Rape Under Article 266-A, in relation to Art. 266-B of RPC a napetsaan ti Enero 16, 2026 ken awan ti nairekomenda a piyansana.
Naiserbi pay kenkuana ti maysa pay a Warrant of Arrest para ti Acts of Lasciviousness Under Art 336 a napetsaan ti Enero 16, 2026 ket narekomendaan ti piyansa a ₱36,000.
Iti agdama, adda isuna iti kustodiya ti San Juan Municipal Station.
