Mangisayangkat ti City of San Fernando, La Union Association USA iti Libre a Medical, Dental ken Surgical Mission para kadagiti komunidad ti San Fernando, San Juan ken Bauang, La Union inton Pebrero 20, 21 ken 22, 2025 manipud 8:00 ti bigat agingga 5:00 ti malem idiay La Union Convention Center.
Ti nasao nga aktibidad ket addaan ti tema a “Panagkakaysa Para iti Salun-at” nga addaan panggep a mangipaay ti de kalidad ken komprehensibo a serbisio ti salun-at kadagiti indibidual nga addaan ti sakit.
Silulukat daytoy iti publiko ken manamnama a mabenepisiaran dagiti umili manipud iti nadumaduma a barangay kadagiti tallo a nadakamat a lokalidad iti daytoy.
Maaramid ti medical mission babaen ti pannakitinnulong ti Hospital on Wheels, La Union Medical Society, FWC, Rotary Club ti San Fernando La Union, PGULU, Bauang LGU, City Government of San Fernando, San Juan LGU, ken Rotary District 3790.
Dagiti Serbisio a Maitukon:
- Medical Consultations (Adult ken Pediatrics)
- Dental Services (Tooth Extractions)
- Libre nga Eye Check-up ken Eyeglasses (Ophthalmology)
- Serbisio ti Panagopera, agraman:
- Panangikkat iti Tumor ti Kudil
- Panagtarimaan iti Cleft Lip
- Panagtarimaan ti Inguinal Hernia
- Panagkugit, ken dadduma pay
Maibalakadan dagiti interesado a makipaset a makiuman kadagiti bukodda a Barangay Health Workers (BHW) iti amin a barangay ti San Fernando, San Juan, ken Bauang para iti umno a koordinasion ken kanayonan nga impormasion.
Para iti dadduma pay a saludsod, mabalin a kontaken ni Dr. Allyn Pacio iti 0917-397-7041.
