Ti EDSA People Power Revolution idi 1986 ket maysa a pibotal a kanito iti pakasaritaan ti Pilipinas, a nangmarka iti panagpatingga ti diktadura daydi Presidente Ferdinand Marcos ken ti pannakaisubli ti demokrasia babaen ti natalna a panagalsa.
Background
Ti Epifanio de los Santos Avenue, kadawyan a pagaammo kas EDSA, ket maysa a kangrunaan a dalan idiay Metro Manila. Nagbalin daytoy a focal point ti People Power Revolution manipud Pebrero 22 agingga 25, 1986, maysa a sungbat iti maipagarup a mangirurumen a rehimen ni Presidente Ferdinand Marcos. Ti rebolusion ket pinarnuay ti nalawa a panangkotra kadagiti panagabuso ti karbengan pangtao, korapsion, ken ti pannakapapatay ti lider ti oposision a ni Benigno “Ninoy” Aquino Jr. idi 1983, a nangrubrob iti sentimiento ti publiko maibusor iti Marcos Governnment.
Rebolusion
Nailasin ti EDSA Revolution babaen ti non-violent nature-na, a nangummong dagiti minilion a Pilipino idiay EDSA tapno kiddawenda ti pannakaikkat ni Marcos. Ti tignay ket namarkaan babaen ti panagsukir wenno panagkontra ti umili. Dagiti agprotprotesta ket simmango kadagiti military tanks nga armado laeng ti sabong ken kararag. Dagiti kangrunaan a pigura ti militar, a pakairamanan da Defense Minister Juan Ponce Enrile ken General Fidel Ramos ket tinallikudad iti Marcos Government, nga ad-adda a nangpapigsa iti rebolusion.
Ti dagus a nangtignay iti panagalsa ket ti snap elections a naangay idi Pebrero 7, 1986, a nadadael gapu kadagiti alegasion ti panagkusit. Ni Corazon Aquino, ti asawa ni Ninoy Aquino, iti kangrunaan a kandidato ti oposision. Idi naideklara a nangabak ni Marcos iti kangitingitan ti nasaknap nga akusasion ti panagkusit, timpuar iti pungtot ti publiko, a nangitunda iti mass mobilization dagiti umili idiay EDSA.
Kinapateg
Ti EDSA revolution ket sibaballigi a nangiturong iti pannakatnag ti rehimen ni Marcos, a nangisubli ti demokrasia iti Pilipinas. Ramrambakan dayta kas simbolo ti natalna a panangkontra ken nangtignay kadagiti kapada a tignay iti intero a lubong. Ti rebolusion ket nangipakita ti bileg ti panagkaykaysa ken ti kinapateg dagiti civil liberties, isu a nairaman kas may kadagiti naipangruna a pasamak iti pakasaritaan ti Pilipinas ken ti lubong.
Legasiya
Malaglagip ti EDSA Revolution saan laeng a gapu iti dagus nga epektona iti politika no di pay ket gapu iti agtultuloy a pakainaiganna iti pannakidangadang para iti demokrasia ken karbengan pangtao iti Pilipinas. Agtultuloy ti espiritu ti EDSA a mangtignay kadagiti addang kontra iti panangirurumen ken tirania ken mangipalagip kadagiti Filipino iti kolektibo a pannakabalinda para iti panagbalbaliw.
Iti pakabuklan, ti EDSA People Power Revolution ket tumakder a kas pammaneknek iti kinaandur ken panagkaykaysa ti umili a Pilipino iti panagtarigagay iti wayawaya ken demokrasia. Agtalinaed dayta a napateg a kapitulo iti pakasaritaan ti nasion, a mangisimbolo iti namnama ken ti pannakidangadang maibusor iti diktadura.###
