Impaganetget ni Bise Presidente Sara Duterte idi Biernes, Hunyo 12, nga awan iti panggep na nga agawen ti posisyon ni Presidente Ferdinand Marcos Junior kasta met nga agtaltalinaed isuna iti sinapataan a trabaho iti sidong ti Konstitusyon.
Kagiddan iti panagrambak ti maika-128 nga ‘Araw ng Kalayaan’ iti Pilipinas ket pinaglibakan na dagiti panawagan ti sumagmamano a grupo ken retirado nga opisyales ti militar nga idauloan ti tignay-protesta a kas ti People Power kontra iti administrasyon.
“Ako, I am the constitutional successor, I am the next in line ayon sa ating Constitution”
“At mayroon akong sinumpaan noong ako ay nag-assume ng office of the Vice President at nakalagay doon that I will preserve and defend the Constitution”
Imbatad na nga aniaman a panagbalbaliw ti liderato iti pagilian ket nasken a dumalan iti legal ken konstitusyonal a proseso, ken kinontra dagiti waragawag a panggep na iti mang-agaw iti posisyon sakbay nga agleppas ti termino ni Presidente Marcos.
“So, wala sa aking mga kamay ang pagsasagawa ng extra-constitutional means to overthrow the current administration at hindi ko rin gusto ’yon”
Segun kadagiti damag idi Abril 2026, adda dagiti sigud nga opisyales ti militar a mangal-allukoy ti suporta para ti posible a politikal nga addang kontra ti administrasyon, nga agtultuloy a mabanbantayan ken maim-imbestigaran.
“Hindi ko gusto agawin ’yung posisyon ni Bongbong Marcos,” aniya. “Gusto ko makita ng taumbayan hanggang sa dulo kung gaano ka walang-hiya si BBM”
Kabayatanna, agtaltalinaed met iti posisyon ti Bise Presidente nga agkandidata a ti kina-Presidente inton 2028 National Elections.
