BR LA UNION – Siniguro ti House of Representatives a suportado da iti anyaman nga espesyal a sesyon idiay Senado nga ipaayab ni President Ferdinand R. Marcos Jr. tapno maresolba iti mapas-pasamak a krisis iti liderato ti Senado.
Daytoy iti inwaragawag ni House Committee on Public Accounts Chair ken Bicol Saro Party-list Rep. Terry Ridon.
KInuna ni Ridon, obligado iti sibubukel a Kongreso nga agtaripnong nu agpaayab ti special session iti Presidente.
Inlawlawag ni Ridon, mas kasapolan ti Senado iti espesyal a sesyon gapu kadagiti naitantan a panagdengngeg kadagiti singasing linteg kadagiti nalapabas a lawas, gaputi timpuar a susik iti liderato.
Namnamaen ni Ridon a daytoy ti mangdesisyon nu siasinu iti pudno a mangidaulo ti Senado.
Impaganetget ti mammanday linteg nga iti panangmatmat ti Malakanyang ken Kamara, ni Senate President Pro Tempore Sherwin Gatchalian iti bigbigen da nga agdama a lider ti Senado.
