BR LA UNION – Inyanunsyo ni Keir Starmer iti sangwanan ti 10 Downing Street nga aglosolosen kas Prime Minister ti United Kingdom ken lider ti Labour Party.
Segun kenni Starmer, respetuenna iti nagbalin a desisyon ti parliamentary party a saanen nga isuna ti kasamayan a mangidaulo iti sumaruno nga eleksiyon.
Ni Starmer a nangitugot ti Labour iti landslide victory idi 2024, ket isuna met laeng ti maipagarop a nangpa-suwek ti popularidad ti partido ken nakaru a presyur manipud kadagiti kakadwa na.
Intuding na ti Hulyo 9 kas rugi ti nominasyon para iti baro a lider, ket manamnama a makumpleto sakbay nga agsubli ti Parliament inton Setyembre.
Iti emosyonal a waragawag na, nagyaman iti asawa ken annak na ket imbaga na a ti panangidaulo ti pagilian ti kadakkelan a dayaw ti biag na.
Iti panaglosolos na ti nanglukat ti dalan para kenni Andy Burnham, sigud a mayor ti Greater Manchester, a posible a sumukat kenkuana iti puwesto.
