Nakastreken iti team da Alex Eala ken Venus Williams iti quarterfinals ti women’s doubles ti Bad Homburg Open idiay Germany kalpasan a nangabakda kada Catherine Harrison ken Alexandra Osborne iti straight sets, iti iskor a 6-3, 6-4, iti Round of 16.
Napigsa iti panangrugi da Eala ken Williams kalpasan ti lamang a 4-0 iti opening set. Iti maikadua a set, nakabawi dagiti kalabanda ken immasideg ti iskor, ngem nagtalinaed a kalmado ti Eala-Williams tandem tapno maselioan ti panagballigi.
Iti quarterfinals, sanguenda ti maikadua a seeded-pair nga isuda Tereza Mihalikova ken Olivia Nicholls.
Napateg daytoy a panagballigi para kenni Eala, nga agdama a World No. 30 iti WTA singles rankings, kabayatan iti agtultuloy a panagsagana na para iti Wimbledon Championships kalpasan ti nasapa a panagruarna iti singles event ti Bad Homburg Open.
Kabayatanna, ar-aramaten ni Venus Williams iti torneo kas paset ti panagsagana sakbay ti Wimbledon, a sadiay a manamnama nga agay-ayam manen iti doubles kadua ti kabsatna a ni Serena Williams babaen ti wildcard entry.###
