Inyusuat ni Presidente Ferdinand Marcos Jr. iti Centralized Open Monitoring Platform for Appropriations and Spending Statistics wenno DBM COMPASS, maysa a digital platform a mangipaay iti nalawlawag nga impormasion iti publiko maipapan iti panaggasto ti gobierno.
Kagiddan daytoy, inlunsad met ti Philippine Public Financial Management Reform Roadmap 2024-2028 tapno ad-adda a mapapigsa iti panangmanehar iti kuarta ti publiko.
Iti sidong ti DBM COMPASS, makita ti publiko iti badyet, obligasion, ken aktual a disbursements ti tunggal ahensia ken rehion babaen ti online portal.
Segun iti Presidente, napateg ti agbalin a silulukat, responsable, ken addaan pagsungbatan iti panagusar ti pondo ti publiko tapno masigurado a pagnumnumaran daytoy dagiti umili.###
