Pormal a linuktan ti Gobierno Probinsial ti La Union iti Greenhouse Nursery idiay Brgy. Bungol, Balaoan idi Hunyo 25, 2026 kas paset iti panangpapigsa iti sektor ti agrikultura.
Pinonduan ti Department of Agriculture–Regional Office 1 iti proyekto nga aggatad ti nasurok ₱1.69 million nga agserbi a propagation hub ken sentro ti produksion ti high-value crops, karaman ti cacao.
Segun ti Office of the Provincial Agriculturist, makatulong iti pasilidad iti panangipaay ti dekalidad ken pest and disease-resistant planting materials para kadagiti cacao growers ken iti panangipangato ti agricultural productivity iti probinsia.
Indauluan ni Governor Mario Eduardo C. Ortega iti turnover ceremony kadua dagiti nangibagi ti Department of Agriculture iti direktiba ni Regional Executive Director Fidel Libao. Dimmar-ay met isuda Board Member Chary Nisce, Board Member Gerard Ostrea, Board Member Ramon Guio Ortega, Provincial Administrator Ramon Torres, ken dadduma pay a department heads.
Bunga iti proyekto dagiti immuna nga inisiatiba iti quality plating materials, karaman iti panangipasdek ti Robusta Coffee Clonal Garden ken Scion Grove for Cacao idi 2023 iti pannakitinnulong ti Philippine Coffee Advancement and Farm Enterprise (PhilCAFE) ken Bureau of Plant Industry (BPI). Idi Hulyo 2024, binigbig ti BPI ti Robusta Coffee Clonal Garden kas Certified Coffee Mother Trees, a sinaruno ti pannakaipasdek ti Coffee Planting Materials Nursery idi Agosto 2024 iti tulong ti Agricultural Training Institute.###
