BR LA UNION – Umabot iti 5,602 a kameng ti Philippine National Police (PNP) ti naggigiddan a na-promote ita nga aldaw, Hulyo 29.
Naisayangkat ti naggigiddan nga oath-taking, donning ken pinning ceremonies iti intero a pagilian.
Pakaibilangan ditoy dagiti 1,877 a police commissioned officers ken 3,724 a police non-commissioned officers.
Kabayatanna, idiay Camp Crame, 400 nga opisyal ti naital-o ti ranggoda, nga inatendaran ti bukod da a pamilya, gagayyem, ken dagiti commanding officers.
Pinalagipan ni PNP Chief Police General Jose Melencio Nartatez Jr. dagiti baro a promote a pulis a nadagdagsen itan ti responsibilidadda iti baro a posisyon dagitoy.
Impaganetgetna a ti uniporme ket saan laeng a simbolo ti promosyon; ngem ketdi, mangiparipirip ti mas nataltalged nga aglawlaw para kadagiti umili a Pilipino.
