Inwaragwag ni Ombudsman Jesus Crispin Remulla a saan pay a naisubsubli ni sigud a Senador Ramon “Bong” Revilla iti P124.5-M a civil damages nga imbilin ti Sandiganbayan idi tawen 2018 mainaig iti pork barrel case na, nga uray naabswelto isuna iti kaso a plunder.
Impila iti Ombudsman idi tawen 2019 ti mosyon para iti panangipaay-bileg iti panagbayad, ngem impaganetget iti kampo ni Revilla a saanen a rumbeng nga agsungbat isuna gapo iti pannakawaswas wenno ‘acquittal.’
Nag-apela pay ni Remulla iti hudikatura a siguraduen a makolekta iti civil liability tapno maisubli iti napukaw a pondo iti baknang ti pagilian.
