BR LA UNION – Kimmiddaw ti hospital arrest idiay Sandiganbayan ti maysa a co-accused ni sigud a congressman Zaldy Co iti kaso a malversation kalpasan a ma-stroke bayat a nakabalud.
Nangidatag ti mosyon ni Juliet Calvo, sigud a mangidadaulo ti Maintenance Division ti Department of Public Works and Highways-Mimaropa, babaen ti abogado na.
Ni Calvo, 64-anyos, ket naka-confine ita iti ospital kalpasan a na-stroke idi Agosto 5 bayat a nakadetine iti Women’s Dormitory idiay Camp Karingal.
Segun iti abogado na, paralisado ni Calvo ken saan a makasao kalpasan a ma-stroke.
Gaputi dayta, binilin ti Sandiganbayan dagiti doktor ni Calvo a sumango iti korte ken mangipaay ti report seknan iti agdama a kondisyon ti pasyente sakbay a mangiruar ti desisyon iti korte.
Adda pakainaigan ti kaso iti maipagarop a P289-million substandard flood control project idiay Naujan, Oriental Mindoro.
