Awan sarday ita ti panagbiruk dagiti rescuers kadagiti posible a survivors a naipit kadagiti narsuod a pasadek gapo iti magnitude 7.7 a ginggined a nangdayeg sadiay Flores Island, Daya a paset ti Indonesia, ita laeng nga aldaw ti Sabado, Agosto 15.
Pinasingkedan ti rescue official a ni Fathur Rhaman a 20 nga indibidwal ti natay manipud kadagiti uppat nga ili ti isla a nalatak a pagpasyaran dagiti turista.
Karaman kadagiti narekobre ket ti bangkay manipud kadagiti narpuog a pasdek sadiay port of Maumere; dua met iti naispal manipud iti isu metlaeng a debris; innem dagiti nadundunor ken dua ti agtaltalinaed a napandagan sadiay Manggarai regency.
Kakaroan nga apektado ket ti Nagekeo regency gappuanan da daitoy iti kaasekgan iti epicenter iti Amianan a Kosta ti Flores Island.
Kinuna ni Rhaman a nakapamaysa ita dagiti rescue teams iti panagbiruk kadagiti tattao a naikali a sibibiag ken napandagan dagiti pasdek, kasta met a pinnarigat latta iti operasyon gapo kadagiti panagreggaay metlaeng iti daga ken pannakaharang kadagiti kalsada.
Dinosenan nga aftershocks iti narikna kalpasan iti inisyal a panagdayeg bayat nga agtultuloy paylaeng iti panagtingiting iti kantidad ti perdisyon a pinataud ti ginggined.
Kapada ti Pilipinas ket masansan metlaeng a makapadpadas iti Indonesia kadagiti panagdayeg gapo iti lokasyon na a masarakan iti Pacific “Ring of Fire,” rehiyon a kangatoan ti seismic activities ti intero a lubong.
