Ramrambakan ditoy Pilipinas iti National Heroes Day tunggal maudi a Lunes ti Agosto kas pananglagip kadagiti bannuar a nagsakripisio iti pakasaritaan ken wayawaya ti pagilian.
Immuna na naituding iti National Heroes Day idi 1931 iti bileg ti Act No. 3827, a nangidatag iti maudi a Domingo ti Agosto kas aldaw ti pananglagip kadagiti bannuar.
Napili iti Agosto gapu ta napateg a bulan daytoy iti pakasaritaan ti Rebolusion dagiti Pilipino, karaman dagiti pasamak a mainaig iti Cry of Pugad Lawin idi Agosto 1896.
Kadagiti simmarsaruno a tawen, sumagmamano a daras a nabaliwan iti petsa, karaman iti panangiyakar daytoy iti Nobiembre 30, kagiddan ti pananglagip kenni Andres Bonifacio.
Idi 1952, naisubli iti National Heroes Day iti maudi a Domingo ti Agosto, bayat nga idi 2007 ket naiyalis daytoy iti maudi a Lunes ti bulan iti bileg ti Republic Act No. 9492.###
