Naggigiddan nga imminom ti Jeppson’s Malört dagiti 1,969 a tattao iti maysa nga event iti Recess bar idiay West Loop, Chicago idi Domingo, a nangituding ti baro a Guinness World Record.
Panggep ti Malört World Record event a makaur-or ti pondo para iti Ravenswood Community Services.
Dimmar-ay ni Illinois Gov. J.B. Pritzker, a nakipaset pay iti panangbukbok dagiti shots para kadagiti attendees.
Dinar-ayan met daytoy ni Susana Mendoza, maysa a city comptroller nga agkankandidato kas alkalde ti Chicago.
Ti Malört ket maysa a napait a wormwood-based Swedish schnapps a nabayagen a maparpartuat idiay Chicago ken am-ammo iti panangusar daytoy kas pampaulaw kadagiti bisita manipud iti dadduma a lugar.###
