Nagkiddaw iti Department of Agriculture (DA) ken National Irrigation Administration (NIA) ti kanayonan a pondo para inton sumaruno a tawen.
Kenuna ni Agriculture Secretary Francisco Tiu Laurel Jr, a napateg iti kanayunan a pondo para kadagiti proyektoda gapu iti manamnama nga epekto ti El Nino ditoy pagilian.
Kiniddaw pay ti Sekretario nga ingato iti Presidential Assistance for Farmers and Fisherfolk (PAF) gapu ta mabalin a agkurangen kadagiti sumarsaruno a bulan gapu metten iti epekto ti habagat ken dagiti bagyo.
Agkasapulan pay iti ahensia ti P8.7-B para iti fertilizer assistance funds kadagiti mannalon ken kanayonan a P10-B agingga iti P12-B para kadagiti mangngalap babaen kadagiti programa ti Bureau of Fisheries and Aquatic Resources (BFAR).###
