Imbilin ni Pangulong Ferdinand R. Marcos Jr. iti panangiruar ti kanayunan nga ₱8.68 billion para iti Department of Education tapno maituloy iti Expanded Career Progression wenno ECP System para kadagiti public school personnel.
Segun ti Presidential Communications Office at Department of Budget and Management, 93,344 reclassified positions iti intero a pagilian iti agnumar iti pondo, a mangsungbat iti salary differentials dagiti kualipikado a personnel a naikkanen ti NOSCA ken appointments.
Sakop ti pondo iti implementation requirements para iti Fiscal Years 2025 ken 2026, ken maala iti FY 2026 built-in Personnel Services lump-sum appropriations ti DepEd. Iproseso met dagiti DBM regional offices iti maitutop a pondo para kadagiti DepEd regional offices tapno maisayangkat iti salary upgrades.
Iti sidong ti ECP System, mabalin a ngumato dagiti mannursuro iti nangatngato a teaching positions ken makaawat ti maitutop a kanayunan a sueldo a saan a kasapulan nga umalis iti administrative posts.
Segun ti gobierno, nasuroken nga 80,000 teachers ken school heads iti naital-o iti sidong ti programa.
Para iti FY 2027, insingasing ti administrasion iti ₱12.09 billion para iti ECP System, nangatngato ti ₱5.94 billion wenno 96.6 porsiento maiyarig iti FY 2026 funding.###
