Agtultuloy iti panangmonitor ti Department of Social Welfare and Development (DSWD) kadagiti 10,246,388 nga indibidual a naapektaran iti napagtipon nga epekto ti napapigsa nga Habagat ken Bagyo Luis, Maymay, Neneng, ken Pilandok, maibasar iti DSWD DROMIC Report #72 as of 6 a.m. ita nga aldaw, Setiembre 7, 2026.
Segun ti report, 2,930,684 a pamilia manipud kadagiti 6,875 a barangay iti 11 a rehion iti naapektaran, pakairamanan ti NCR, CAR, Ilocos Region, Cagayan Valley, Central Luzon, CALABARZON, MIMAROPA, Bicol Region, Western ken Eastern Visayas, ken Zamboanga Peninsula.
Dumanon met ti 56,125 a tattao iti agdama nga adda kadagiti 713 nga evacuation centers, idinto nga 84,080 a dadduma pay iti temporario a makinanaed kadagiti kabagian wenno gagayyemda.
Iti pakabuklan, 140,205 nga indibidual iti agtaltalinaed a displaced, agraman dagiti adda kadagiti evacuation centers ken dagiti agnanaed iti ruar dagitoy. Nairekord ti 4,521 a nadadael a babbalay, a 602 kadagitoy ti naan-anay a nadadael ken 3,919 ti partially damaged.
Kabayatanna, dimmanon ti ₱2.28 billion iti dagup nga humanitarian assistance a naiwaras kadagiti naapektaran a pamilia manipud iti DSWD, local government units, non-government organizations, ken dadduma pay a partners. Iti daytoy a gatad, ₱2.11 billion iti naggapu mismo iti DSWD.
Adda met ti pakabuklan a ₱4.36 bilion standby funds ken gatad ti prepositioned relief stockpile iti nakasagana para iti agtultuloy a panagsungbat iti didigra.###
